Գյումրի. ոստիկաններին չի հաջողվում ցրել կուտակումները

Facebook սոցցանցում Լևոն Բարսեղյանը տարածել է հայտարարություն.

Գյումրի 34/23 Պետական Բժշկական քոլեջի շենք.

Ճշտված տվյալներով «Շենացնենք գյուղը» ՀԿ դիտորդական առաքելության տեսախցիկն է եղել, որը տարած են եղել, իսկ 9:52-ին վերադարձրել են տեսախցիկը, հիմա նկարահանում են, տեսախցիկն աշխատում է:

Գյումրի 34/25 թիվ 6 դպրոցի շենք.

09:50: Մեծամասնականի քվեատուփը փոքր է, արդեն քչություն է անում, ծրարները ծալում ու զոռով կոխում են մեջը: 130 հոգի քվեարկել է այստեղ արդեն:

10:15 Մի տատիկ պատուհանի գոգին քվեարկել է, նախագահը մոտեցել հարցրել է՝ ի՞նչ ես անում, կինը հարցրել է՝ մեկում 3-ը չէ՞ր, մյուսում 7-ը, բերանը փակել են:

10:20 Կուտակումները ցրելու համար «Գյումրի-Ասպարեզ» թերթի ներկայացուցիչը դիմել է նախագահին, նա թե՝ ազիզ ջան, որոշել ես մեզ նստեցնե՞լ:

10:25 Կնիքը կորել է, ապա 10 րոպեից վերադարձվել է տեղը:

Գյումրի 34/28 թիվ 5 դպրոցի շենք.

Ժամը 09.15-ի դրությամբ եղել են կուտակումներ՝ 15-ից ավելի ընտրող: Ընտրողները նաեւ արձանագրել են, որ անձագրերում դրված կնիքները 10 րոպեից հետո օքսիդանում են, ցնդում են:

Գյումրի 34/29 «Սբ. Մարիամ» նախակրթարանի շենք.

Թանաքի հետ կապված խնդիրներ, մարդկային կուտակումներ, 10:20-ին հանձնաժողովի ԲՀԿ-ական անդամը հայտարարել է, որ իր անձնական կնիքը կորել է, եւ մեղադրել է հանձնաժողովի նախագահին, խմբերով քվեախցերի մոտ են կուտակված, ոստիկաններին չի հաջողվում ցրել ներսի կուտակումները:

Ժուռնալիստների «Ասպարեզ» ակումբ