Ղազախստանցի ընտրողների ավելի քան 60%-ը ժամը 14։00-ի դրությամբ քվեարկել է արտահերթ խորհրդարանական ընտրություններում

Ղազախստանի խորհրդարանի մաժիլիսի (ստորին պալատ) և մասլիխաթների (ավագանիներ) ընտրություններում ընտրողների մասնակցությունն Աստանայի ժամանակով ժամը 14։00-ի դրությամբ կազմել է ավելի քան 60%, հայտնել է Ղազախստանի կենտրոնական ընտրական հանձնաժողովի քարտուղարի Բախըտ Մելդեշովը։

«Մարզերի, Աստանա և Ալմաթի քաղաքների ընտրական հանձնաժողովների տրամադրած տվյալների համաձայն՝ ժամը 14.00-ի դրությամբ, ընտրացուցակներում ընդգրված ընտրողների թվի 60,22%-ն քվեաթերթիկ է ստացել»,- ինչպես հաղորդում է «Արմենպրես»-ը, վկայակոչելով newskaz.ru-ն հայտնել է Մելդեշովը ճեպազրույցի ընթացքում։

Աստանայում քվեարկել է Ղազախստանի Նախագահ Նուրսուլթան Նազարբաևը, ով այլ պետություններին կոչ է արել անտեղի թափ չհաղորդել հանրապետությանը ժողովրդավարության ճանապարհին։ «Ժողովրդավարությունը ճանապարհի սկիզբը չէ, այլ, ժողովրդավարությունը մեզ համար ճանապարհի վերջն է։ Եվ մենք աստիճանաբար բարեփոխելով, ընդունելով օրենքներ, շարժվում ենք այդ ուղղությամբ։ Եվ մեզ թափ հաղորդել պետք չէ, որոովհետև մենք ուրիշ ենք, դա Ասիա է, մեր հարաբերություններն, ընտանեկան հարաբերություններն ուրիշ են, այլ կրոն է, մարդկանց միջև այլ հնարավորություննեÖ € են»,- նշել է Նազարբաևը՝ քվեարկելուց հետո պատասխանելով լրագրողների հարցերին։

«Այդ պատճառով էլ բոլոր պետությունները պետք է սովորեն հարգել եղած ավանդույթները, միմյանց պատմությունն ու մշակույթը», - նկատել է նա։