Աերոֆլեքս. նոր մասնաճյուղ՝ հագեցած ծառայություններ

“Մեր գոյության տասնմեկ տարիների ընթացքում շնորհիվ շնչառական վարժությունների բազմաթիվ այցելուների օգնել ենք վերականգնել առողջությունը և ապրել առողջ կյանքով”,-ասում է Աերոֆլեքս ֆիզիկական կատարելության և շնչառական մարմնամարզության կենտրոնի տնօրեն ֆիզիոլոգ Արմինե Գրիգորյանը: Թերևս սա էր առիթը, որ մարտի 10-ին Մաշտոցի 20 հասցեում կտրվեց Աերոֆլեքսի նոր մասնաճյուղի բացման ժապավենը: Բուժական, ախտորոշման և մաքրման պրոցեդուրաներ իրականացնող սարքավորումներով հագեցած կենտրոնը մեծ ուշադրութուն է դարձնում նաև սպա ծառայություններին: Այստեղ բուժական պրոցեդուրաներն արվում են միմիայն բնական մեթոդներով: Իրականացվում են ռելաքս և բուժական մերսումներ, շնչառական վարժություններ, ֆիթնես պարեր, հիդրոցնցուղի միջոցով ակտիվացվում է արյան շրջանառությունը, ինչի շնորհիվ քայքայվում են օրգանիզմում կուտակված տոքսինները:

“Աերոֆլեքսում ամբողջական հետազոտության շնորհիվ կարողացել եմ ձերբազատվել ինձ անհանգստացնող մի շարք խնդիրներից, մինչդեռ այլկերպ հետազոտվելով միգուցե հնարավոր չլիներ ճիշտ ախտորոշել հիվանդությունս”,-պատմում է Կարինե Գալստյանը, ով ախտորոշվել է իրիդոսկրին՝ աչքի ծիածանաթաղանթի օգնությամբ կատարվող թեստ-սքրինինգի մեթոդով, որի ճշգրտությունը 80-84% է: Մեթոդի օգնությամբ հնարավոր է ախտորոշել 24 օրգանները: Մեթոդի կիրառումը առավել քան մատչելի ու կարևոր է երեխաների պարագայում, որոնց դեպքում այնքան բարդ է օրինակ ճիճվակրության, վիրուսաբակտերիաների, սնկերի անալիզների հավաստի պատասխան ստանալը:
Ցանկացած հիվանդության բուժումն ավելի արդյունավետ է, երբ օրգանիզմը մաքրված է վնասակար նյութերից: Իոնային մաքրման պրոցեդուրան ապահովում է առողջության պահպանումը և կանխարգելում է հիվանդությունները: Կենտրոնում կատարվում են նաև միջազգային ստանդարտներին համապատասխան կլինիկական, բիոքիմիական, հորմոնների, ֆերմենտների, ստամոքսի, լյարդի, երիկամների պրոբաներ:

Նորաբաց կենտրոնի սպա ծառայություններում օգտագործվում է բնական միջոցներ, այդ թվում նաև շոկոլադ և հայկական կավ՝ ինչպես արտաքին դիմակների այնպես էլ ընպելի տարբերակներով: