Սիրիայում խաղաղությունը վերջապես հնարավոր է դարձել. Մոգերինի

Սիրիայում հրադադարի ռեժիմը պահպանվում է, այժմ հարկավոր է ընդլայնել մարդասիրական օգնության փոխադրման միջանցքները և հասնել սիրիական հիմնախնդրի կարգավորման քաղաքական գործընթացին: Ինչպես տեղեկացնում է «Արմենպրես»-ը, մարտի 24-ին La Repubblica թերթում հրապարակված հարցազրույցում այս մասին հայտարարել է Եվրամիության արտաքի ն գործերի և անվտանգության քաղաքականության բարձր ներկայացուցիչ Ֆեդերիկա Մոգերինին:

«Կարծում եմ, որ Սիրիայում միջազգային հանրակցությունը պետք է կենտրոնանա երեք բան վրա: Նախ, անհրաժեշտ է ամրապնդել զինադադարը: Հրադադարի ռեժիմը պահպանվում է: Ոչ ոք դրան չէր հավատում, բայց պատահեց հրաշք, որը դարձավ ամիսների լարված աշխատանքի արդյունքը, որը մենք կատարեցինք բոլորս միասին»,- ասել է Մոգերինին: Նա ընդգծել է, որ այժմ հարկավոր է ընդլայնել այն տարածքները, ուր անհրաժեշտ է մարդասիրական օգնություն հասցնել:

«Անհրաժեշտ է սիրիական հակամարտության բոլոր կողմերին համոզել՝ սկսելու քաղաքական գործընթացը: Նրանք պարտավորություններ ունեն իրենց ժողովրդի առջև և Եվրոպայի հանդեպ»,- հավելել է նա: «Սիրիայում խաղաղությունը վերջապես հնարավոր է դարձել»,- հայտարարել է Մոգերինին, հաղորդել է ՏԱՍՍ-ը: