Ալիևը վերածվում է Էրդողանի. ИА REGNUM

ԵԱՀԿ-ում Գերմանիայի հատուկ ներկայացուցիչ Գերնոտ Էրլերը և ԵԱՀԿ Մինսկի խմբի համանախագահներ Ջեյմս Ուորլիքը (ԱՄՆ), Իգոր Պոպովը (Ռուսաստան) և Պիեռ Անդրյոն (Ֆրանսիա) հերթական հայտարարությամբ են հանդես եկել. «Մենք աջակցում ենք ԵԱՀԿ գործող նախագահի անձնական ներկայացուցչի՝ դեսպան Անջեյ Կասպշիկի կոչը, ով կոչ է արել կողմերին Զատկի և Նովրուզի տոների ժամանակ խստորեն հետևել հրադադարի ռեժիմին: Մենք կոչ ենք անում կողմերին պայմաններ ստեղծել, որպեսզի տարածաշրջանի ժողովուրդները կարողանան խաղաղ միջավայրում նշել այդ տոները»: Միևնույն ժամանակ ԵԱՀԿ Մինսկի խմբի ամերիկացի համանախագահ Ջեյմս Ուորլիքը «Ամերիկայի ձայնը» ռադիոկայանին տված հարցազրույցում ասել է, որ հրադադարի ռեժիմը խախտելու փորձերը մտահոգիչ են»: Ըստ նրա, «մեծագույն մտահոգություն են առաջացնում խաղաղ բնակչության շրջանում զոհերիը, և մենք դատապարտում ենք ծանր հրետանու օգտագործումը»: Այս մասին ИА REGNUM-ում հրապարակված հոդվածում գրում է ռուս քաղաքագետ Ստանիսլավ Տարասովը:

Հոդվածագիրը հիշեցնում է, որ հայ լրագրողի հարցին, ով խնդրել էր մեկնաբանել ԵԱՀԿ Մինսկի խմբի համանախագահների հասցեին Իլհամ Ալիևի հայտարարությունները, Ռուսաստանի ԱԳՆ պաշտոնական ներկայացուցիչ Մարիա Զախարովան պատասխանել է. «Դուք Բաքվում ճշտեք, համանախագահներից ում նրանք ի նկատի ունեին: Դա չենք կարող մեր հասցեին ընդունել: Տարիներ շարունակ Ռուսաստանն ապացուցում էր իր անկեղծ, ազնիվ նպատակները: Մենք սրտանց ցանկանում ենք, որ Լեռնային Ղարաբաղի հակամարտությունը կարգավորվի»:

Քաղաքագետի նշում է, որ Ալիևը գնալով նմանվում է իր թուրք պաշտոնակից Ռեջեփ Թայիփ Էրդողանին, ով վերջերս հայտարարել էր, որ «ՄԱԿ-ի Անվտանգության խորհուրդը բարեփոխման կարիք ունի», և առաջարկել էր «հեռացնել մշտական անդամներին և ընդլայնել կազմակերպության կազմը 20 երկրներով»:

Այլ կերպ ասած, Բաքուն որոշել է խարխլել ԵԱՀԿ Մինսկի խումբը՝ Լեռնային Ղարաբաղի հակամարտության կարգավորման հարցով, իսկ Էրդողանը՝ ՄԱԿ-ի Անվտանգության խորհուրդը: Բաքուն և Անկարան հրապարակավ քաղաքականապես իրենց որպես «իսլամական պետություններ են» դրսևորում, իսկ եթե դա այդպես է, ապա նրանց հանդեպ անհրաժեշտ է կիրառել անհատական մոտեցում: