Instagram-ը տեսագրությունների տևողությունը կավելացնի մինչև մեկ րոպե

Instagram ֆոտոծառայությունը մինչև մեկ րոպե կավելացնի այն տեսագրությունների տեղողությունը, որոնք կարող են բեռնել օգտատերերը: Այս մասին, ինչպես տեղեկացնում է «Արմենպրես»-ը, հաղորդվում է ընկերության պաշտոնական բլոգում:

Instagram-ի ներկայացուցիչների տվյալներով՝ այն միջին ժամանակը, որը ծառայության օգտատերերը ծախսում են տեսագրությունների դիտման համար, կես տաում աճել է 40 տոկոսով: Ավելի տևական տեսահոլովակներն, ինչպես կարծում են Instagram-ում, թույլ կտան արմատապես փոխել որոնվող պատմությունների ձևաչափը:

Ֆոտոծառայությունը պլանավորում է նորամուծությամբ իր ամբողջ լսարանն ընդգրկել առաջիկա մի քանի ամսում:

Instagram-ի օգտատերերը 15-վայրկյանանոց տեսագրություններ բեռնելու հնարավորություն են ստացել 2013 թվականի հունիսի 20-ին: Այդ ժամանակվանից ի վեր տեսահոլովակների տևողությունը չի փոխվել, սակայն 2016 թվականի փետրվարին ավելի երկարատև տեսահոլովակներ բեռնելու հնարավորություն են ստացել գովազդատուները: