Թուրքիայի մեջլիսի հայ պատգամավոր Սելինա Դողանը հանդիպել է Ռումինիայի հայ համայնքի հետ
ԱՐԽԻՎ
Թուրքիայի ընդդիմադիր Հանրապետական ժողովրդական կուսակցության անդամ, մեջլիսի առաջին կին հայ պատգամավոր Սելինա Դողանը, ով Թուրքիայի Ազգային մեծ ժողովի ԵՄ հանձնաժողովի անդամների հետ Ռումինիայում է, Բուխարեստում հանդիպել է տեղի հայ համայնքի ներկայացուցիչների հետ: Ինչպես հաղորդում է «Արմենպրես»-ը, այս մասին տեղեկացնում է «Ակոս» պարբերականը:
Դողանն առաջին հերթին այցելել է տեղի առաջնորդարան և հանդիպել Տաթև Սրբազանի և սենատոր Վարուժան Ոսկանյանի հետ:
Հանդիպման ժամանակ Սրբազանը Դողանին տվյալներ է հայտնել շուրջ 100 տարվա պատմություն ունեցող հայկական համայնքի վերաբերյալ: Համայնքի հայտնի ներկայացուցիչ Վարուժան Ոսկանյանն էլ տեղեկացրել է, որ Ռումինիայում հայկական համայնքի մշակութային գործունեության համար ամեն տարի պետությունը տրամադրում է 1 միլիոն եվրո գումար: Բացի այդ նա հայտնել է, որ շաբաթ և կիրակի օրերին հայերենի դասընթացներ են կազմակերպվում:
Սելինա Դողանը խորհրդարանում հանդիպել է հայ պատգամավոր Վարուժան Փամբուկչյանի հետ, ով պատմել է, որ իր ընտանիքն Ադանայից է և Ռումինիա է գաղթել 1915 թվականի Հայոց ցեղասպանության ժամանակ: Նա ասել է, որ շատ է ցանկանում տեսնել Ադանան, ինչին ի պատասխան Դողանը Փամբուկչյանին հրավիրել է Թուրքիա:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
