Ի տարբերություն քեզ, Վլաիդիմիր, ես նախապես չեմ խմբագրում հոդվածները. Օբաման՝ Պուտինին
ԱՐԽԻՎ
ԱՄՆ նախագահ Բարաք Օբաման հայտնել է, որ ոչ վաղ անցյալում իր ու իր ռուս գործընկեր Վլադիմիր Պուտինի միջև կարծիքների բաց փոխանակություն է եղել մամուլի ազատության մասին, հայտնում է «Ամերիկայի ձայնը»:
Օբաման ենթադրել է, որ Ռուսաստանի նախագահն իր երկրում ամբողջովին վերահսկում է ԶԼՄ-ները. «Որոշ ժամանակ առաջ ես Ուկրաինայի ու Սիրիայի վերաբերյալ հանգամանալից զրույց ունեցա նախագահ Պուտինի հետ: Նա ընթերցեց Atlantic պարբերականում իմ արտաքին քաղաքական դոկտրինի մասին Ջեֆ Գոլդբերգի հոդվածը և ասաց. «Ես համաձայն չեմ մի շարք իրերի հետ, որոնց մասին դուք հիշատակել եք այնտեղ»:
ԱՄՆ նախագահը նշել է, որ թեև իր մեջբերումները հոդվածում ճիշտ են ներկայացված, հրապարակման որոշ պահեր «հնարավոր է, ոչ ամբողջությամբ են արտացոլել իմ նկատառումները կոնկրետ թեմայով, որը բարձրացրել է նախագահ Պուտինը»:
«Ես նրան ասացի, որ բնականաբար ի տարբերություն քեզ՝ Վլադիմի՛ր, ես չեմ խմբագրում հոդվածները նախքան դրանց հրապարակվելը»,- ասել է Օբաման:
Օբամայի հարցազրույցի զգալի մասը հրապարակվել էր մարտի կեսին: ԱՄՆ նախագահը հայտարարել էր, որ Ռուսաստանը ցուցաբերել է թուլություն, երբ ներխուժել է Ուկրաինա ու իր զինվորականներին ուղարկել է Սիրիա. «Իրական ուժը նշանակում է, որ դուք կարող եք ստանալ այն, ինչ ձեզ հարկավոր է՝ առանց բռնության դիմելու»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
