ԱՄՆ-ն ՌԴ-ի վրա հարձակում է պատրաստում. Սերգեյ Կուրղինյան

Տեղեկատվական պատերազմը Ռուսաստանի վրա հարձակման ամերիկյան արշավի մասն է, և այսօր հստակ երևում են այդ պատերազմի ուսումնասիրությունները: Այս մասին «Россия 1» հեռուստաալիքով «Специальный корреспондент» ծրագրի եթերում հայտարարել է քաղաքագետ, «Суть времени» շարժման առաջնորդ Սերգեյ Կուրղինյանը:

«Ռուսաստանի և կոմունիստական դարաշրջանի լրատվամիջոցների միջև զուգահեռներ անցկացնելը ծիծաղելի է, հրեշավոր, և ոչ մի կապ չունի իրականության հեո: Այժմ ռուսական ԶԼՄ-ները փորձում են ներկայացնել ցանկացած դիրքորոշում, միայն թե հակամարտություն, հակասություններ և օրակարգ ստեղծեն, - վստահ է Սերգեյ Կուրղինյանը: - Ինչ-որ մեկն առաջարկու՞մ է Ասադին խոսել CNN-ով: Կցանկանա՞ր արդյոք որևէ մեկը, որպեսզի Ասադը գար և հայտներ իր դիրքորոշումը»:

Նա հավելել է, որ այսօր ռուսական ԶԼՄ-ներն այնքան բաց են, որքան հնարավոր է, և նույնիսկ ավելին: «Եթե նրանց ձգտում են մի քայլ առաջ տեղաշարժել, ապա միայն մի բան են ցանկանում: Բարոյական շանտաժի ճանապարհով վերափոխել ներքաղաքային պայքարի այդ բոլոր կուսակցություններն ազգային դավաճանության կուսակցությանը, տրոյական ձիու պես բերել նրան այստեղ, հեղաշրջում սկսել`օգտագործելով Արևմուտքը»,-ասել է քաղաքագետը:

Կուրղինյանը նշել է, որ այսօր Ռուսաստանի և Արևմուտքի միջև հարաբերություններն արմատապես տարբերվում են, քան Խորհրդային Միության փլուզումից հետո բոլոր տարիների ընթացքում:

Սակայն այսօր իրավիճակը լրիվ այլ է, գտնում է Կուրղինյանը. «Ես պատասխանատու հայտարարում եմ, որ այդ դարաշրջանն ավարտվել է: Մենք գործ ունենք պատերազմի առաջին իրական ուսումնասիրությունների հետ, և տեղեկատվական պատերազմն այդ քարոզարշավի մասն է: Այն ճնշվելու է: Ներխուժում տեղի չի ունենա»: