Սոմալիում Ադրբեջանի և Թուրքիայի քաղաքացիներ են սպանվել

Սոմալիի մայրաքաղաք Մոգադիշոյում դպրոցական ավտոբուսի վրա անհայտ անձանց հարձակման արդյունքում սպանվել են Ադրբեջանի, Թուրքիայի և Սոմալիի մեկական քաղաքացի:

Ինչպես հաղորդում է «Արմենպրես»-ը' վկայակոչելով Թուրքիայի ԱԳՆ-ի պաշտոնական կայքը, մի քանի մարդ էլ վիրավորվել է:

Սոմալիի ոստիկանությունը հայտնել է, որ վիրավորները տեղավորվել են Մոգադիշոյի հիվանդանոցներում:

Հարձակումից հետո Աֆրիկյան միասնության անվտանգության ուժերն ուժեղացրել են վերահսկողությունը և հետաքննություն են սկսել:

Թուրքիայի ԱԳՆ-ը ցավակցություն է հայտնել սպանվածների ընտանիքներին: