Թուրքիայում և Ադրբեջանում ահաբեկչություններ է ծրագրում ԻՊ-ը. Haberturk
ԱՐԽԻՎ
«Իսլամական պետություն» խմբավորման գրոհայիններն ահաբեկչական հարձակումներ են պատրաստվում իականացնել Ադրբեջանի և Թուրքիայի տարածքներում: Այդ մասին տեղեկություն է հայտնվել թուրքական լրատվամիջոցներում:
Haberturk լրատվական գործակալության փոխանցմամբ՝ ահաբեկչություններ պատրաստող ԻՊ-ի հինգ գրոհայինների լուսանկարներն ուղարկվել են Թուրքիայի անվտանգության բոլոր կառույցներին։
«Բոլոր ահաբեկիչներն այժմ Սիրիայի տարածքում են: Տեղեկությունների համաձայն՝ նրանք պատրաստվում են ահաբեկչություններ իրականացնել Թուրքիայի և Ադրբեջանի տարածքում»,- ասված է Haberturk-ի հաղորդագրությունում:
Պորտալի տվյալներով՝ գրոհայիններից մեկը Ռաշիդ Ալաբդալահ Ալգագանն է, ով Նաբիլ Ֆադիլի մտերիմ ընկերն է: Վերջինս հունվարին ահաբեկչություն էր իրականացնել Ստամբուլի Սուլթանահմեթ հրապարակում: Մյուսը՝ Աբու Այման Աթ-Մաղրիբինին, ամերիկյան անձնագիր ունի: Հաջորդ ահաբեկիչը դեռահաս է, 2015 թվականի ամռանը սպանված ԻՊ-ի անդամ Մուհամեդ Ուրքմեզի եղբայրն է: Մի ահաբեկչի անունն էլ Հասան Հուսեյն Ուգուր է:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
