ԿԸՀ-ն կրկին անդրադառնում է դրոշմակնիքներին

Այսօր մեծ աղմուկ բարձրացրած դրոշմակնիքների վերացման հարցին ԿԸՀ-ն կրկին արձագանքեց, և ԿԸՀ հանձնաժողովի քարտուղար Արմեն Սմբատյանն իր խոսքում ասաց.

«Եվս մեկ անգամ ուզում ենք ասել, որ այդ թանաքները 12 ժամ պահպանվող թանաքներ են, խնդիրը առաջացել էր բացառապես տեխնիկական օգտագործման հետ կապված: Այն տեղամասերում, որտեղ պահպանվել են տեխնիկական օգտագործման կանոնները, մասնավորապես՝ խառնել են կնիքի թանաքը օգտագործելուց առաջ, ոչ մի խնդիր չի առաջացել: ԿԸՀ-ն իմանալով այս խնդրի մասին անմիջապես արձագանքեց և բոլոր տեղամասերում, որտեղ առաջացել էին շուտ ցնդելու հետ կապված խնդիր, հրահանագվեց, որպեսզի խառնվի նորմալ թանաք կամ օգտագործվի միայն սովորական կնիքի համար հատկացված թանաքը: Եվ, ուզում եմ հիշեցնել, որ այս նորմի բովանդակությունն այն է, որ բացառվի կրկնակի ընտրությունը: Սա ընդամենը լրացուցիչ, կրկնում եմ, լրացուցիչ հնարավորություն է բացառելու համար կրկնակի ընտրությունը և թերևս այս պահի դրությամբ ԿԸՀ ոչ մի ահազանգ կրկնակի ընտրության մասին, ոչ մի փաստ չի արձանագրվել», - նշեց Արմեն Սմբատյանը: