Թիվ 1/11-ում լարված իրավիճակ է. խոչընդոտում են լրագրողների ու վստահված անձանց աշխատանքը

Լարված իրավիճակ է թիվ 01/11 ընտրատեղամասում։ Հայ Ազգային Կոնգրեսի վստահված անձ Արա Պետրոսյանն ահազանգում է, որ վերջին կես ժամվա ընթացքում ընտրատեղամասի մերձակայքում և ներսում մարդկանց կուտակումներ են, անհայտ անձինք ներխուժել են ընտրատեղամաս և խոչընդոտել տեղամասում աշխատող լրագրողների գործունեությունը։ Ընտրատարածքում աշխատող ոստիկանները մատնված են պարապուրդի։

Հանձնաժողովի նախագահը ոչ միայն չի վերահսկում իրավիճակը, այլև ոչ մի ջանք չի գործադրում կարգուկանոն հաստատելու համար։