Եվրոպական ազատ դաշինքն իր համերաշխությունն է հայտնել Լեռնային Ղարաբաղի ժողովրդին

Եվրոպական ազատ դաշինքն իր համերաշխությունն է հայտնել Լեռնային Ղարաբաղի ժողովրդին ընդդեմ ադրբեջանական ագրեսիայի: Ինչպես հաղորդում է «Արմենպրես»-ը, կուսակցության թվիթերյան միկրոբլոգում տեղադրվել է կուսակցության անդամների և ԼՂՀ Ազգային ժողովի նախագահ Աշոտ Ղուլյանի լուսանկարը, որում կուսակ ցության անդամները «Եվրոպական ազատ դաշինքը Լեռնային Ղարաբաղի հետ է» գրառումն են պահում ձեռքերում:

Ապրիլի 1-ի լույս 2-ի գիշերը և առավոտյան հակառակորդը ղարաբաղա-ադրբեջանական հակամարտ զորքերի շփման գծի ողջ երկայնքով ձեռնարկել է լայնածավալ նախահարձակ գործողություններ, որոնց ընթացքում հրթիռահրետանային արկակոծման են ենթարկվում ոչ միայն հայկական զինուժի պաշտպանական դիրքերը, այլև խաղաղ բնակավայրերը: Ըստ ՊԲ օպերատիվ տվյալների, ադրբեջանական զինուժի կողմից ապրիլի 2-ին ժամը 08:30-ի սահմաններում Մարտունու պաշտպանական ուղղությամբ ՄՄ-21 («Գրադ») կայանքից իրականացված հրթիռահրետակոծության հետևանքով սպանվել է 2004թ. ծնված Վաղինակ Թաթուլի Գրիգորյանը, ևս երկու երեխա վիրավորվել են:

ՊԲ առաջապահ ստորաբաժանումները պաշտպանական հաջող մարտեր են իրականացնում առաջնային գծի բոլոր ուղղություններով՝ հակառակորդին պատճառելով կենդանի ուժի և զինտեխնիկայի զգալի կորուստներ: