Ադրբեջանում խոստովանում են. հարձակվող կողմն ավելի շատ կորուստներ է ունենում

Ադրբեջանի ազգային հերոս Ռասիմ Աքպերովը, անդրադառնալով ԼՂՀ հետ սահմանում Ադրբեջանի ռազմական գործողությունների' ադրբեջանական կողմի համար ցավալի հետևանքներին, խոստովանել է հանրահայտ այն ճշմարտությունը, որ հարձակվող կողմն ավելի շատ կորուստ է կրում, քան պաշտպանվողը' դրանով մեկ անգամ ևս հաստատելով այն փաստը, որ ապրիլի 2-ից ԼՂՀ-ի դեմ ռազմական գործողությունները սկսել են Ադրբեջանի զինված ուժերը:

Այս մասին, ինչպես հաղորդում է «Արմենպրես»-ը, Աքպերովը հայտարարել է haqqin.az կայքի հետ զրույցում:

«Ինչպես հայտնի է, հարձակվող կողմը միշտ էլ ավելի շատ կորուստ է կրում, քան պաշտպանվող կողմը»,- ասել է նա՝ նշելով, որ հարձակողական գործողության մեջ ադրբեջանական բանակի կորուստներն անխուսափելի էին:

Ադրբեջանական ԶԼՄ-ներում լուրեր են շրջանառվել, որ ԼՂՀ հետ մերձճակատային շրջաններում խուճապ է, բնակիչները լքում են Գորամբոյի, Թարթառի, Բարդայի շրջանները:

Ադրբեջանական ԶԼՄ-ները' հղում կատարելով սեփական ՊՆ հաղորդագրությանը, հայտնել են, որ այսօր տեղի ունեցած ռազմական գործողություններում «ադրբեջանական կողմը 12 զինծառայող է կորցրել, հակառակորդը ոչնչացրել է մեկ ՄԻ-24 ուղղաթիռ, բացի այդ ականի պայթյունից շարքից դուրս է եկել մեկ տանկ»: Վիրավորների մասին տվյալներ չեն հաղորդվում:

Իրականում ադրբեջանական կողմի կորուստները շատ ավելի մեծ են, և մոտ ժամանակում Բաքուն ստիպված կլինի հայտնել ավելի շատ զինծառայողների զոհերի մասին:

Ճշտգրտված տվյալներով' ղարաբաղյան ուժերը հարավարևելյան ուղղությամբ շարքից հանել են հակառակորդի երկու տանկ, հյուսիսարևելյան ուղղությամբ' 1 տանկ և անօդաչու թռչող սարք: Ժամը մոտ 12:30-ին ԼՂՀ ՊԲ հակաօդային պաշտպանության ուժերը հարավարևելյան ուղղությամբ խոցել են Ադրբեջանի ԶՈւ ևս մեկ ռազմական ուղղաթիռ (այսօր թվով երկրորդը), իսկ հյուսիսարևելյան ուղղությամբ' ևս մեկ անօդաչու սարք:

ԼՂՀ ՊԲ օպերատիվ տվյալների համաձայն' ապրիլի 2-ի առավոտյան մոտ ժամը 08:30-ին Մարտունիի ուղղությամբ ԲՄ-21 (Գրադ») սարքավորումից հթիռակոծության արդյունքում սպանվել է 12-ամյա Վաղինակ Թաթուլի Գրիգորյանը և ևս երկու երեխա վիրավորվել են: