«Այլընտրանք Գերմանիայի համար» կուսակցության քաղաքական գործիչները դատապարտում են Ադրբեջանի ագրեսիան
ԱՐԽԻՎ
Գերմանիայի Դաշնային Հանրապետությունում գործող «Այլընտրանք Գերմանիայի համար» կուսակցության քաղաքական գործիչները հանդես են եկել Լեռնային Ղարաբաղի Հանրապետության դեմ ռազմական գործողությունները դատապարտող հայտարարությամբ: Ինչպես հաղորդում է «Արցախպրես»-ը, Գերմանական քաղաքական կուսակցությունը, մասնավորապես, դատապարտել է Ադրբեջանին՝ ԼՂՀ նկատմամբ ցուցաբերած ռազմական ագրեսիայի համար: Նրանք անընդունելի են համարել Ադրբեջանի զինուժի ագրեսիվ ռազմական գործողությունները, հատկապես, խաղաղ բնակավայրերի ուղղությամբ:
Այս կապակցությամբ կուսակցությունը կոչ է արել Գերմանիայի կառավարությանը կամք դրսևորել և դատապարտել պաշտոնական Բաքվին՝ Լեռնային Ղարաբաղի Հանրապետության դեմ ռազմական ագրեսիա իրականացնելու համար, ինչպես նաև պահանջել են տեղի ունեցող իրադարձությունների կապակցությամբ միջազգային հետաքննություն սկսել:
Կուսակցությունը ստեղծված իրավիճակի առթիվ քննադատել է նաև Թուրքիային՝ նշելով, որ Ադրբեջանի հայատյաց քաղաքականությունն արդարացնելու համար թուրքական լոբբին Գերմանիայում մեծ աշխատանք է տանում:
Հայտարարության տակ ստորագրել են «Այլընտրանք Գերմանիայի համար» կուսակցության պատգամավոր Անդրեաս Գալաուն և կուսակցության երիտասարդական թևի ղեկավար Մարկուս Ֆրոհնմայերը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
