Սինգապուրում շենքերի անվտանգության նոր պահանջներ կառաջադրվեն ահաբեկչության սպառնալիքի պատճառով
ԱՐԽԻՎ
Սինգապուրի իշխանություններն աճող ահաբեկչական սպառնալիքի լույսով որոշել են վերանայել անվտանգության այն պահանջները, որոնք կներկայացվեն տարբեր շենքերի և կառույցների: Ինչպես տեղեկացնում Է «Արմենպրես»-ը՝ հղում անելով The Straits Times թերթին, ներքին գործերի նախարարությունը քաղաքացիական անվտանգության վարչության, ինչպես նաև շինարարական գերատեսչությունների և քաղաքային բարեկարգման կառույցների հետ համատեղ ուղղումներ են մտցնում համապատասխան փաստաթղթերում: ՆԳ նախարարության ներկայացուցչի տվյալներով՝ փոփոխությունները կկատարվեն մինչև ընթացիկ տարվա վերջը:
Մասնավորապես, ենթադրվում Է շենքերի գլխավոր կառուցվածքների ուժեղացում, այդ թվում նաեւ պայթյունների նկատմամբ կայուն նյութերի օգտագործման հաշվին: Բացի դրանից, կառաջարկվի շենքը շրջափակել ամրացված ցանկապատով: Տարածքի կառամուտքի մոտ կկարգվեն պարեկներ, կտեղակայվեն հատուկ արգելափակոցներ: Բացի այդ, առաջարկվում է ավելացնել հսկման արտաքին խցիկների թիվը, ինչպես նաև բարձրացնել ստացվող պատկերների հստակությունը, հայտնել Է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
