Վրաստանի պաշտպանության նախարարը հուսադրող է անվանում ԼՂ հարցի շուրջ Լավրով- Քերի հեռախոսազրույցը
ԱՐԽԻՎ
Վրաստանի պաշտպանության նախարար Թինա Խիդաշելին «հուսադրող» է անվանել Լեռնային Ղարաբաղի հարցով Ռուսաստանի արտաքին գործերի նախարար Սերգեյ Լավրովի և ԱՄՆ պետքարտուղար Ջոն Քերիի հեռախոսազրույցը:
«Մենք հույս ունենք, որ բանակցային գործընթացը, որը տարվում է եվրոպական երկրների տարբեր մայրաքաղաքներում, կավարտվի հաջողությամբ: Ռուսաստանի ԱԳ նախարարի և ԱՄՆ պետքարտուղարի հեռախոսազրույցի մասին տեղեկատվությունը ևս հուսադրող է: Բոլորին շատ լավ հայտնի է, որ հենց այդ ֆորմատով և հենց նման երկխոսության ժամանակ հնարավորություն կլինի գտնել լավագույն ելքը, որը կապահովի կայունություն»,- ինչպես հաղորդում է TASS-ը, լրագրողների հետ զրույցում ասել է Խիդաշելին:
Նրա խոսքով' Վրաստանի գլխավոր խնդիրն է անել ամեն ինչ' առաջին հերթին տարածաշրջանի կայունության համար:
«Դրա համար էլ ես դիմել եմ միջազգային հանրությանը' ձեռնարկելու անհրաժեշտ քայլեր, առաջին հերթին, հրադադարի հաստատման համար: Դա գլխավոր խնդիրն է յուրաքանչյուր բանակցությունների համար»,- ասել է Վրաստանի պաշտպանության նախարարը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
