ԼՂՀ-ում Ադրբեջանի լայնածավալ ագրեսիան լուսաբանում են տարբեր երկրներից ԶԼՄ-ների 40 ներկայացուցիչներ
ԱՐԽԻՎ
Լեռնային Ղարաբաղի Հանրապետության դեմ Ադրբեջանի լայնածավալ ագրեսիայի սկզբից տեղում իրավիճակի լուսաբանման նպատակով ժամանել և ԼՂՀ ԱԳՆ-ում հավատարմագիր են անցել տարբեր երկրների ԶԼՄ-ների 40 ներկայացուցիչներ:
Այս մասին «Արմենպրես»-ին հայտնել է ԼՂՀ ԱԳՆ մամուլի քարտուղար Անի Սարգսյանը:
«Ինչպես ԼՂՀ ԱԳՆ-ը, այնպես էլ երկրի համապատասխան պետական կառույցները ստեղծված իրավիճակում մաքսիմալ հնարավոր օժանդակություն են ցուցաբերում լրագրողներին: Մենք սկզբունքերոն չենք միջամտում ԼՂՀ-ում գտնվող լրագրողների գործունեությանը և ԶԼՄ-ների խմբագրական քաղաքականությանը, որոնք նրանք ներկայացնում են: Ռեպորտաժները, որոնք հրապարակվում են Լեռնային Ղարաբաղից, անդրադարձնում են լրագրողների և ԶԼՄ-ների' իրենց տեսակետը», -ասել է ԼՂՀ ԱԳՆ մամուլի քարտուղարը:
«Ինտերֆաքս»-ը հայտնել է, որ համաշխարհային ԶԼՄ-ների մոտ 30 ներկայացուցիչներ մեկնել են Ադրբեջան, որտեղ նրանք այսօրվանից սկսած պետք է ծանոթանան ադրբեջանա-ղարաբաղյան հակամարտ զորքերի շփման գծում իրավիճակին, որտեղ վերջին երեք օր ինտենսիվ մարտական գործողություններ են տեղի ունեցել: Գործակալությունը հայտնել է, որ արտասահմանյան լրագրողների ճանապարհորդությունը առանջագծի գոտի կկազմակերպի Ադրբեջանի արտաքին գործերի նախարարությունը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
