Ադրբեջանը ժամանակակից զենք է ստացել Մեդվեդևի և Սերդյուկովի օրոք. գեներալ-գնդապետ Լեոնիդ Իվաշով

Լեռնային Ղարաբաղում պատերազմի պատճառների մասին ИА REGNUM գործակալությանը պատմել է Աշխարհաքաղաքական խնդիրների ակադեմիայի նախագահ, գեներալ-գնդապետ Լեոնիդ Իվաշովը:

«Ադրբեջանական բանակը հարձակման է անցել: Կողմը, որը պատրաստվում է հարձակման, պետք է ունենա երկակի կամ եռակի առավելություն: Զենքի և տեխնիկայի առավելությունն այսօր Ադրբեջանի կողմն է: Եվ, ցավոք, Մեդվեդևի իշխանության և ռազմական գերատեսչության ղեկավարության օրոք՝ ի դեմս Սերդյուկովի, ռազմական հավասարակշռությունը խախտվել է, երբ մենք սկսեցինք Ադրբեջանին մատակարարել առավել առաջադեմ զենք: Դրանք են Т-90С տանկերը, «Սմերչ» տեսակի հրթիռային համակարգերը: Դրան գումարած՝  մարտական միջոցներ է ակտիվորեն մատակարարել Թուրքիան», - ասել է Իվաշովը:

Նրա խոսքով՝ «դա է պատճառը, որ ադրբեջանական կողմի, մասնավորապես, Ադրբեջանի թուրքամետ գեներալիտետի մոտ առաջացել է արագ հաղթանակի նման վստահություն»:

«Հատկապես Ղարաբաղի և Հայաստանի բանակները ռազմա-տեխնիկական սարքավորումների հարցում զիջում են Ադրբեջանին: Իսկ ռուսասական ռազմակայանի և էսկադրիլիայի ներկայությունը, ЗРК С-300-ը նրանք հույս ունեին չեզոքացնել Ռուսաստանի վրա քաղաքական ազդեցություն ներգործելով, այն հույսով, որ նա չի կիրառի դրանք: Եվ հիմա, երբ Ադրբեջանը զինադադար է խնդրել, դա նշանակում է, որ հարձակողական գործողությունը ձախողվել է: Խորհրդային ռազմական դպրոցը, որին դավանում են Ղարաբաղի բանակը և Հայաստանի զինված ուժերը, ավելի ուժեղ գտնվեցին: Ղարաբաղի բնակչության և բանակի ռազմաբարոյական ոգին ավելի ուժեղ է: Իսկ տեխնիկան, թեև այն մեծապես հնացած էր, ավելի վստահելի էր: Եվ եթե նման լարված հրադադարի պայմանում Ռուսաստանը ակտիվորեն աջակցի Ղարաբաղին ժամանակակից ռազմատեխնիկական միջոցներով (հակատանկային, հակահրթիռային) և հրթիռային համակարգերով, ապա խաղաղությունը փխրուն կլինի, անհուսալի, բայց այնուամենայնիվ կլինի», - ամփոփել է Իվաշովը: