ԱՄՀ-ն տնտեսական աճի վրա ԼՂ գոտու իրադարձությունների մեծ ազդեցություն չի կանխատեսում

Արժույթի միջազգային հիմնադրամի հայաստանյան առաքելության նոր ղեկավար Հոսեյն Սամիին ցավում է ղարաբաղա-ադրբեջանական շփման գծում լարվածության սրման ու դրա հետևանքով մարդկային կորուստների համար: Նրա խոսքով' քանի որ իրադարձությունը տեղի է ունեցել վերջին օրերին, միջազգային ֆինանսական կառույցը չի գնահատել դրա տնտեսական ազդեցությունը: «Մենք շատ ցավում ենք, որ տեղի ունեցավ լարվածության սրում, մենք ցավում ենք կյանքի կորուստների փաստի համար: Հուսով եմ, որ կվերականգնվի խաղաղությունը: Ուրախ ենք, որ հիմա կրակը դադարել է, հուսով եմ, որ այն կպահպանվի: Քանի որ իրադարձությունները երկու օր առաջ են տեղի ունեցել, մենք առիթ չենք ունեցել գնահատելու դրանց տնտեսական հետևանքները: Այս պահին չեմ կարծում, որ այդ իրադարձությունը տնտեսական աճի վրա մեծ ազդեցություն է ունենալու»,- լրագրողների հետ հանդիպմանն ասաց Հոսեյն Սամիին: