Շոտլանդիայի կղզու դղյակում հայտնաբերվել է Շեքսպիրի երկերի առաջին ժողովածուի օրինակը

Շոտլանդիայի արեւմուտքի Բյուտ կղզու միջնադարյան դղյակում հայտնաբերվել Է անգլիացի բանաստեղծ եւ դրամատուրգ Ուիլյամ Շեքսպիրի (1564 – 1616) ստեղծագործությունների առաջին ժողովածուի (հրատարակված 1623 թվականին) օրինակը՝ ամբողջ աշխարհի հավաքորդների համար ամենացանկալի գրքերից մեկը: Այս մասին, ինչպես տեղեկացնում Է «Արմենպրես»-ը, հայտնել Է Օքսֆորդի համալսարանի պրոֆեսոր Էմմա Սմիթը:

«Մենք հայտնաբերել ենք առաջին հրատարակության (օրինակը), որի գոյության մասին չԷինք Էլ կասկածում»,- մեջբերում Է Սմիթի խոսքը BBC-ն: Սեկե շապիկով եռահատորյակն այժմ ընդհանուր դիտման կցուցադրվի Բյուտի Mount Stuart House-ում՝ Շեքսպիրի մահվան՝ այս տարի նշվող 400-ամյակի առթիվ:

Երկերի առաջին ժողովածուն, որը հրատարակվել Է մեծ գրողի մահվանից հետո յոթ տարի անց, ներառում Է 36 պիես: Դրանցից 18-ը, այդ թվում՝ «Մակբեթը», «Տասներկուերորդ գիշերը», «Հուլիոս Կեսարը», «Ձեզ ինչպես դա դուր կգա»-ն, եւ «Փոթորիկը», մինչեւ 1623 թվականը չեն հրատարակվել, ուստիեւ ինչպես նշում են փորձագետները, կարող Էին ընդմիշտ կորստի մատնված լինել:

Հրատարակությունն ունի Շեքսպիրի դիմանկարը, որի հեղինակն Է ֆլամանադական դպրոցի անգլիացի փորագրիչ Մարտին Դրուշաուտը: Դրա տպաքանակը, պրոֆեսոր Սմիթի խոսքով՝ անհայտ Է: Որոշ տվյալներով՝ տպագրվել Է շուրջ 750 օրինակ: Մեզ Է հասել շուրջ 230-ը, հաղորդել Է ՏԱՍՍ-ը: