Ադրբեջանը շարունակում է իր զինծառայողների դիակները դուրս բերելու գործողությունը. ԿԽՄԿ-ն նրանց դիակներ է փոխանցել

Ադրբեջանն ապրիլի 9-ին ժամը 16:00-19:00-ն կշարունակի Լեռնային Ղարաբաղի Հանրապետության դեմ ռազմական ագրեսիայի արդյունքում որոշակի ուղղություններում առաջնագծից դուրս բերել իր ոչնչացված զինծառայողների դիակները:

Այս մասին, ինչպես հաղորդում է «Արմենպրես»-ը, հայտնում է Ադրբեջանի ՊՆ մամուլի ծառայությունը:

Ապրիլի 1-5-ին առաջնագծում սպանված զինծառայողների դիակները դուրս բերելու աշխատանքները ԵԱՀԿ ներկայացուցիչների և Կարմիր խաչի միջազգային կոմիտեի (ԿԽՄԿ) ադրբեջանական բաժանմունքի աշխատակիցների մասնակցությամբ սկսվել և արդեն իրականացվել է ապրիլի 8-ին ժամը 15:00-20:00-ն:

Ադրբեջանական qafqazinfo.az լրատվական կայքը հայտնել է, որ ԿԽՄԿ-ի Լեռնային Ղարաբաղի Հանրապետության հյուսիս արևելքում գտնվող Թալիշ գյուղի մոտ Ադրբեջանի հետ հակամարտ զորքերի շփման գծում ոչնչացված 7 ադրբեջանցի զինծառայողի դիակ են հանձնել ադրբեջանական կողմին, ու որ ԿԽՄԿ-ի հայկական բաժանմունքի աշխատակիցներն ապրիլի 8-ի երեկոյան ադրբեջանական կողմին են հանձնել ևս մեկ զինծառայողի դիակ: Ադրբեջանական ԶԼՄ-ների տվյալներով' ներկա դրությամբ ադրբեջանական կողմի կորուստը կազմում է ոչնչացված 89 և 6 անհայտ կորած զինծառայող: