Ռուսաստանցիների կեսը հանդես Է եկել Լեռնային Ղարաբաղի հակամարտությունում ՌԴ-ի չեզոքության օգտին

Ռուսաստանցիների երեք քառորդը (76 տոկոսը) այս կամ այն չափով իրազեկված Է այն մասին, որ ապրիլի սկզբին վերսկսվել Է զինված հակամարտությունը ԼՂՀ-ի եւ Ադրբեջանի շփման գծում: Ընդ որում 52 տոկոսն այն կարծիքին Է, որ Մոսկվան չպետք Է աջակցի կողմերից որեւԷ մեկին: Այդ մասին, ինչպես տեղեկացնում Է «Արմենպրես»-ը, հայտնել Է «Հանրային կարծիք» հիմնադրամը:

Ղարաբաղյան հակամարտության սրվելու մասին սոցիոլոգներից առաջին անգամ իմացել Է հարցման մասնակիցների միայն 23 տոկոսը, հարցում, որն ապրիլի 9-10-ը անցկացվել Է ՌԴ 53 սուբյեկտների 104 բնակավայրերում: Դրան մասնակցել Է 1500 մարդ:

Խոսելով այն մասին, թե Ռուսաստանն ինչ դիրք պետք Է բռնի այժմ, հարցվածների կեսը (52 տոկոսը) կարծիք Է հայտնել, որ ՌԴ-ն չպետք Է աջակցի կողմերից որեւԷ մեկին: Եվս 6 տոկոսը հանդես Է եկել հաջակցություն Հայաստանի, 1 տոկոսը՝ Ադրբեջանի:

Դժվարացել Է պատասխանել հարցվածների 23 տոկոսը:

Հարցման տվյալներով՝ դրա մասնակիցների 40 տոկոսն այն կարծիքին Է, որ Ռուսաստանն իրենից կախված ամեն ինչ պետք Է անի ԼՂ հակամարտությունը դադարեցնելու համար, միեւնույն ժամանակ 30 տոկոսը վստահ Է, որ Ռուսաստանը չպետք Է մեծ ակտիվություն դրսեւորի այդ հարցում, հաղորդել Է «Ինտերֆաքս»-ը: