Էրդողանի և Ալիևի դաշինքը բռնապետերի միություն է դառնում. Ստանիսլավ Տարասով

Կովկասում ցանկացած պատերազմից հետո, իսկ ապրիլի սկզբին ԼՂ-ի շփման գծում մարտական գործողությունները իրենց դաժանությամբ կարող են որպես պատերազմ դիտարկվել, գալիս է ստեղծված իրավիճակի փորձաքննության, վերլուծության և ախտորոշման պահը: Այն, իհարկե, նոր է, ինչը տարբեր պատճառներով ճանաչում են բոլոր փորձագետները: Բայց հատկապես ի՞նչում պետք է ընկալվի նորույթը: Այդ մասին ИА REGNUM-ում գրում է Ստանիսլավ Տարասովը:

ԱՄՆ նախկին դիվանագետ Մեթյու Բրայզան, ով արևմտյան չափանիշներով լավ գիտի Անդրկովկասը, The Washington Post-ի էջերում կիսվում է ընդհանուր եզրակացություններով: «Պուտինը ի սկզբանե ինտենսիվ դիվանագիտության օգնությամբ սկսեց վերահսկել իրավիճակը, իսկ Օբաման հարցի նկատմամբ որևէ հետաքրքրություն չի ցուցաբերել,- գրում է նա:- Սպիտակ տունը նույնիսկ պաշտոնական հայտարարություն չի հրապարակել, իսկ Պետդեպարտամենտը սահմանափակվել էր միան զուսպ արձագանքով»: 

Ամերիկացի փորձագետների կարծիքով ղարաբաղյան հակամարտությունը մեծ մերձարևելյան ճգնաժամի շրջանակներում ընդգրկելը կարող է «փաթեթային լուծման» հանգեցնել, ինչում ավելի շատ Անկարան է հետաքրքրված, քան Բաքուն:

Իրանական «Արան» լրատվական գործակալությունն արդեն տեղեկացրել էր, որ Սիրիայի և Իրաքի սահմանի վրա վերահսկվող տարածքներում ԻԼԻՊ-ը ստեղծել է «Camp Abu Isa» հատուկ զորանոցը, որտեղ ռազմական ուսուցում են անցնում Ադրբեջանի քաղաքացիները:

Ղարաբաղյան հակամարտության գոտում նրանց պոտենցիալ հայտնվելը չի բացառվում, ինչը տարածաշրջանում կարող է ստեղծել արմատապես այլ իրավիճակ: Մեր կարծիքով՝ հենց նշված սցենարը հիմնականում բացատրում է ԱՄՆ-ի և ԵՄ-ի զգուշավոր դիրքորոշումը Ղարաբաղյան նոր պատերազմի վերաբերյալ, ինչի մասին գրում է Բրայզան:

Այնուամենայնիվ, անդրկովկասում ստեղծված նոր իրավիճակը հստակ նշված է, և հիմա ժամանակի հարց է, թե ինչպես բոլոր «խաղացողները» կներառվեն այդ փոփոխություններում: Միևնույն ժամանակ, ըստ արևմտյան չափանիշների, Էրդողանի ու Ալիևը դաշինքը բնորոշվում է որպես դիկտատորների միություն, որում ընկալվելու է ղարաբաղյան հակամարտության կարգավորման գործում հիմնական խոչընդոտներից մեկը: Իսկ Մոսկվան դեռևս պահպանում է Երևանի և Բաքվի միջև մանևրության ռեսուրսը: Ինչ վերաբերում է Թեհրանին, նա դեռ չի ասել իր խոսքը: Գլխավոր իրադարձություններն առջևում են: