Իրանը նախապատրաստել է հայց ընդդեմ Վաշինգտոնի
ԱՐԽԻՎ
Թեհրանը Միջազգային քրեական դատարան ներկայացնելու համար նախապատրաստել է հայց ընդդեմ Վաշինգտոնի: Դա կապված է այն հանգամանքի հետ, որ ԱՄՆ-ն Իրանի սառեցված ակտիվներից օգտագործել է 2 մլրդ դոլարը: Ինչպես հաղորդում է «Արմենպրես»-ը, հղում կատարելով «Ռիա Նովոստի»-ին, այս մասին հայտարարել է Իրանի նախագահի աշխատակազմի միջազգայի ն իրավունքի կենտրոնի պաշտոնյա Մոհամադ Ջահրամին:
Ավելի վաղ ԱՄՆ-ի Գերագույն դատարանը մերժել է Իրանի Կենտրոնական բանկին վերադարձնել 2 մլրդ դոլարը, նշելով, որ այդ գումարը պետք է ուղղվի այն ամերիկացի ընտանիքներին, որոնց հարազատները զոհ են դարձել 1983 թվականին Բեյրութում տեղի ունեցած պայթյուններին:
«Իրանը կարող է դիմել միջազգային դատարան այն բանի համար, որ վերականգնի իր իրավունքները: Դրա համար նախապատրաստվել է հայց, որը կներկայացվի Միջազգային դատարան' պահանջելով տուգանել ԱՄՆ-ին»,-ասված է հայտարարության մեջ:
Ավելի քան հազար ամերիկացիներ պահանջել են փոխհատուցում ահաբեկչության համար, որի կազմակերպիչ համարում են Իրանին: ԱՄՆ-ի պետդեպարտամենտի կողմից էլ Իրանը ներառվել էր այն երկիր-դոնորների ցանկը, որոնք սնում են ահաբեկությունը:
ՈՒՂԻՂ ԵԹԵՐ
Ամենադիտված 
Ջուր չի լինի հուլիսի 28-ին ժամը 07.00-ից մինչև հուլիսի 29-ը ժամը 07.00-ն
