Մեզ «քչից-շատից» օգնել են և՛ ՀՀԿ-ն, և՛ ԲՀԿ-ն, և՛ ՀՅԴ-ն, և՛ ՕԵԿ-ը. Ահարոն Ադիբեկյան

Սոցիոլոգ Ահարոն Ադիբեկյանն այսօր լրագրողների հետ հանդիպման ժամանակ, անդրադառնալով ընտրությունների մեծամասնական ընտրակարգին, ասաց, որ իրենց պատվիրատուների 10-ից 8-ին հաղթանակ են կանխատեսել, նրանք հաղթել են, երկուսին պարտություն են կանխատեսել, և նրանք պարտվել են: «Մենք ոչ միայն հաղթանակ, այլև պարտություն էլ ենք կանխատեսում», - նշեց Ահարոն Ադիբեկյանը:

Նա նշեց նաև, որ սոցհարցումներն իրականացնելու համար իրենց «քչից-շատից» օգնել են և՛ ՀՀԿ-ն, և՛ ԲՀԿ-ն, և՛ ՀՅԴ-ն, և՛ ՕԵԿ-ը:

Ադիբեկյանը ներկայացրեց տվյալներ, ըստ որոնց՝ ստացված ձայների վրա 1.7 տոկոսով ազդել է համոզիչ քարոզչությունը և լավ վերաբերմունքն ընտրողներին, տրանսպորտը՝ 1.6 տոկոս, ընտրողների անձնական հարցերի լուծումը՝ 6.1 տոկոս, իսկ ընտրողներին տված գումարների ազդեցությունն ըստ սոցիոլոգի իբրա եղել է 0.3 տոկոս: