Լեա Սեյդուն լուսանկարվել է Louis Vuitton-ի գովազդում

Ֆրանսիացի դերասանուհի Լեա Սեյդուն՝ Louis Vuitton-ի դեմքը, լուսանկարվել Է նորաձեւության տան Pre-Fall 2016 նոր հավաքածուի գովազդում: Լուսանկարների համար ֆոն Է ծառայել վարդագույն պատերով մեքսիկական ռանչոն, որը կառուցված Է ճարտարապետ Լուիս Բարագանի նախագծով:

Լուսանկարիչ Պատրիկ Դեմարշելյեն կադրերից մեկում դերասանուհու հետ միասին պատկերել Է ռանչոյում բնակվող ցեղական նժույգին: Այդ մասին, ինչպես տեղեկացնում Է «Արմենպրես»-ը, հաղորդվում Է նորաձեւության տան մամուլի տեղեկագրում:

Սեյդին կեցվածք Է ընդունել Capucines-ի ժամանակակից շարքի եւ City Steamer-ի պատմական շարքի նոր պայուսակներով. որոնք առաջին անգամ թողարկվել են 1901 թվականին:

Լեա Սեյդին «Սեզար» մրցանակի անվանակարգորդն Է եղել «Գեղեցիկ թզենին» ֆիլմում խաղացած դերի համար: Նկարահանվել Է Ռիդլի Սքոթի («Ռոբին Հուդ»), Վուդի Ալենի («Կեսգիշերը Փարիզում»), Բրեդ Բերդի մոտ (Առաքելությունն անիրագործելի Է. Ֆանտոմ արձանագրությունը»): Հռչակվել Է Աբդելլաթիֆ Քեշիշի «Ադելի կյանքը» ֆիլմում խաղացած գլխավոր դերով: Որպես մոդել կեցվածք Է ընդունել լուսանկարիչներ Սթիվեն Մայզելի, Մարիո Սորենտիի, Էլեն ֆոն Ունվերտի եւ Ժան Բատիստ Մոնդինոյի կողմից Vogue, L'Officiel, Another Magazine, Numero, Maxim հանդեսների եւ Prada-ի գովազդային արշավների համար արված լուսանկարներում: Դերասանուհին Louis Vuitton-ի դեմքն Է դարձել 2016 թվականի հունվարին:

Louis Vuitton ընկերությունը հիմնադրվել Է 1854 թվականին Փարիզում՝ սնդուկների եւ ճամփորդական պայուսակների պատրաստման վարպետ Լուի Վյուիտոնի կողմից: Մասնագիտանում Է աքսեսուարների, հագուստի, կոշիկի, ժամացույցների եւ տղամարդկանց ու կանանց համար նախատեսված ոսկերչական զարդերի արտադրության բնագավառում: Ներկայում ընկերությունը VVMH միջազգային հոլդինգի բաղկացուցիչ մասն Է: