Մայիսի 5-ից 7-ը տարածաշրջանում գրանցվել է յոթ երկրաշարժ. Հրաչյա Պետրոսյան

Մայիսի 5-ից 7-ը տարածաշրջանում գրանցվել է յոթ երկրաշարժ, - այս մասին այսօր լրագրողների հետ հանդիպման ժամանակ ասաց ԱԻՆ Սեյսմիկ պաշտպանության ազգային ծառայության պետ Հրաչյա Պետրոսյանը։ Վերջինիս խոսքերով, մենք ունենք երկրաշարժերի քանակի ավելացում, բայց չունենք անջատված էներգիաների ավելացում, եթե չհաշվենք այս վերջին երկրաշարժը: «Այսօր տարածաշրջանում 5,6 մագնիտուդով էներգիայի դեֆիցիտ է նկատվում, որը կարող է լրացվել մեկ երկրաշարժի ձեւով, որն ըստ Ռիխտերի սանդղակի կունենա 5-6 բալ, այսինքն Վանի երկրաշարժից ավելի թույլ», - նշեց Հրաչյա Պետրոսյանը:

Ասուլիսի մյուս բանախոս ԱԻՆ Շենք -շինությունների սեյսմակայունության բաժնի պետ Գուրգեն Նամարյանը նշեց, որ մեր հասարակությունն այսօր բավարար մարկարդակով պատրաստ չէ դիմագրավելու երկրաշարժերին. դրա պարզ պատճառն այն է, որ Հայաստանում շենքերի մեծ մասը սեյսմակայուն չեն։