Իրաքի բանակին հաջողվել է շարքից հանել ԻՊ երկու առաջնորդների

«Իսլամական պետություն» ահաբեկչական խմբավորման երկու առաջնորդ են սպանվել Իրաքի Ռամադի քաղաքից արևելք տեղի ունեցած հրետակոծության արդյունքում: «Արմենպրես»-ի փոխանցմամբ' այս մասին գրել է iraqinews.com-ը' վկայակոչելով Իրաքի բանակի գեներալ Իսմայիլ ալ-Մահալավիին, ով այդ մասին հայտնել է ապրիլի 28-ին:

Նրա խոսքով' իրենց բանակին հաջողվել է հրետակոծել ահաբեկչական խմբավորմանը պատկանող թաքստոցներից մեկը, որի արդյունքում սպանվել են երկու ահաբեկիչները: