Ռուսական ռազմակայանի զինծառայողները մասնակցել են Հաղթանակի օրվա զորահանդեսի համատեղ փորձին
ԱՐԽԻՎ
Հայաստանում տեղակայված ռուսական ռազմակայանի զինծառայողները մասնակցել են Հայրենական մեծ պատերազմում Հաղթանակի 71-րդ տարեդարձին նվիրված զորահանդեսի համատեղ փորձին:
Ինչպես «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունից, փորձին մասնակցել են ռազմակայանի, Ռուսաստանի Անվտանգության դաշնային ծառայության եւ Հայաստանի զինված ուժերի ստորաբաժանումները: Զինծառայողները կատարելագործել են շարասյուների կազմում հանդիսավոր երթով անցնելու հմտությունները:
Զինվորական նվագախումբը հնչեցրել Է պատերազմական տարիների մեղեդիներ, Հայաստանի Հանրապետության եւ Ռուսաստանի Դաշնության օրհներգերը: Նախատեսվում Է, որ երաժիշտները վետերանների ու հյուրերի համար համերգային համարներ կպատրաստեն Գյումրի զինվորական կայազորի ակումբի երգիչների հետ համատեղ:
Զորահանդեսի գլխավոր փորձը կանցկացվի մայիսի 6-ին «Մայր Հայաստան» ռազմական փառքի հուշահամալիրում:
Հաղթանակի օրը հանդիսավոր միջոցառումներին կմասնակցեն ռուսական ռազմակայանի, 200-ից ավելի զինծառայողներ, Ռուսաստանի Անվտանգության դաշնային ծառայության եւ Հայաստանի ռազմաօդային ուժերի եւ հակաօդային պաշտպանության ներկայացուցիչները:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
