Չինաստանում գործարկված ծառայության շնորհիվ քաղաքացիները գանգատվելու են կեղծ լուրերից ու բամբասանքներից

Չինաստանի իշխանությունները գործարկել են ինտերնետ-հարթակ, որի օգնությամբ երկրի քաղաքացիները կկարողանան տեղեկացնել Ցանցում հայտնված տարատեսակ կեղծ լուրերի ու բամբասանքների մասին, հաղորդում Է «Արմենպրես»-ը՝ հղում անելով BBC-ին:

Նոր ծառայությունը չինացիներին թույլ կտա իշխանություններին հայտնել, իրենց կարծիքով, ստահոդ տեղեկատվության մասին, որը հայտնվել Է Համացանցում: Դա կարելի Է անել՝ բեռնելով նյութի հղումը կամ կցելով սքրինշոթը:

Տեղեկատվության դեմ հնարավոր կլինի գանգատվել ցանկացած սոցիալական ցանցում կամ ցանկացած ֆորումում:

Global Times չինական պետական թերթի տվյալներով, որն ազդարարել Է ծառայության գործարկումը, դրա մշակմանը մասնակցել են հասարակական անվտանգության նախարարությունը եւ «Թվիթերի» չինական անալոգը՝ Sina Weibo-ն:

Ամեն ամիս ծառայությունը հաշվետվություն կհրապարակի Ցանցում տարածվող լուրերի եւ բամբասանքների վերաբերյալ, ինչպես նաեւ դրանց հետ կապված տեղեկատվությունը, հաղորդում Է թերթը՝ վկայակոչելով Sina Weibo-ի հայտարարությունը:

Ընկերությունը խոստացել Է արգելափակել այն օգտատերերին, որոնք կմերկացվեն ասեկոսեների տարածման մեջ: Sina-ում նաեւ խոստացել են, որ նրանց գործերով կզբաղվի ոստիկանությունը:

Ապրիլին Չինաստանի ղեկավար Սի Ցզինպինը անհրաժեշտ Է համարել, որ երկիրը բարելավի Համացանցի կառավարման որակը, իսկ իշխանությունները օգտարերերին ապահովեն որակյալ կոնտենտով:

Երկրի իշխանությունները շարունակում են խստացնել հսկողությունը Համացանցի նկատմամբ: Իրավապահ մարմիններն արդեն վաղուց են փորձում գտնել ու պատժել այն մարդկանց, ովքեր չստուգված լուրեր են տարածում: Իշխանությունները գտնում են, որ կեղծ տեղեկատվությունը կարող Է խուճապ առաջացնել: