100 կամ 102 տոկոս մասնակցություն արձանագրված է եղել ընդամենը 9 տեղամասերում. Տիգրան Մուկուչյան

ԿԸՀ նախագահ Տիգրան Մուկուչյանն այսօր լրագրողների հետ հանդիպման ժամանակ անդրադարձ կատարեց այն հրապարկումներին, թե կան որոշ մարզեր, որտեղ գրանցվել է 100 տոկոս մասնակցություն:

«Նախ միանշանակ ուզւոմ եմ արձանագրել մի հանգամանք, որ բոլոր տեղեկությունները հրապարակային տեղեդրված են ԿԸՀ-ի կայքում և ամբողջ հանրապետությունում առկա չէ որևէ մարզ, որտեղ ամրագրվել է, ինչպես ներկայացվում է, 100 տոկոս մասնակցություն: Մասնավորապես, նման թվեր էին բերվում Տաշիրի համար, նշվում, որ այնտեղ ամրագրված է 100 տոկոս մասնակցություն: Նախ, կուզենայի նշել հետևյալը, որ առաջին անգամ ԿԸՀ-ն ըստ տեղամասերի, ԸԸՀ-ներից, ստանում էր այդ տեղեկություններն էլեկտրոնային եղանակով, տեղեկությունները ստացվելուն պես անմիջապես հրապարկվում էին և չի բացառվում անգամ մարդկային գործոնով պայմանավորված սխալ թվերի մուտքագրման հնարավորությունը, և հենց դա է պատճառը, որ ԸՕ-ն այդ գործառույթի անունը դրել է արդյունքների նախնական հրապարակում, որովհետև նախնական հրապարակումից մինչև վերջնական հրապարակում կա ժամկետ, որի ընթացքում արդեն հանձնաժողովի անդամները ոչ միայն ամփոփում են բոլոր ստացված դիմում-բողոքներն, այլև բոլոր փաստաթղթերը ուղղվում են, մեկ-մեկ համադրվում են տվյալները։ Ցանկանում եմ փաստել, որ որևէ մարզում նման խնդիր չկա, 100 կամ 102 տոկոս արձանագրված է եղել ընդամենը 9 տեղամասերի հետ կապված, օրինակ՝ թիվ 10 ընտրատարածքում, որտեղ 34-րդ տեղամասում ամրագրվել էր 102 տոկոս մասնկացություն:

Փաստեր են բերվում, մասնավորապես, Կոտայքի մարզի, Սյունիքի, Վայքի և այլնի համար, ցանկանում եմ փաստել, որ Վայքում ընդամենը մեկ գյուղական համայնք կա, որտեղ բնակվում է 80 ընտրող, նշված պարագայում բոլորն էլ մասնկացել են քվեարկությանը։ Այժմ ՏԸՀ կողմից ներկայացված արձանագրությունը ԸԸՀ-ի կողմից դարձել է քննարկման առարկա, որով պետք է պարզվի, թե որքանով են այդ տեղեկությունները ճիշտ: Բայց, կրկնում եմ, որ խոքը վերաբերում է 80 ընտրողով գյուղի, այլ ոչ թե ամբողջ մարզի, ինչպես ներկայացվում է: Մենք չունենք որևէ մարզ, որտեղ ամրագրվել է նման տոկոս, ինչպես շատ հաճախ շահարկվում և ներկայացվում է», - նշեց ԿԸՀ նախագահը: