Հիլարի Քլինթոնն ընտրություններում հաղթելու դեպքում ամուսնուն կհանձնարարի վերականգնել երկրի տնտեսությունը
ԱՐԽԻՎ
Դեմոկրատներից ԱՄՆ-ի նախագահի առավել հավանական թեկնածուն՝ Հիլարի Քլինթոնը, հայտարարել է, որ իր ամուսնուն՝ Բիլ Քլինթոնին, կհանձնարարի զբաղվել ամերիկյան տնտեսության նորացմամբ, եթե հաղթանակ տանի առաջիկա ընտրություններում, տեղեկացնում է «Արմենպրես»-ը՝ հղում անելով ABC News հեռուստաալիքին:
«Ամուսինս, որին ես կհանձնարարեմ տնտեսության վերականգնումը, գիտի՝ ինչպես դա անել»,- ասել է նա նախընտրական արշավի շրջանակներում անցկացված միջոցառման ժամանակ:
Քլինթոնի խոսքով՝ նրա գիտելիքները հատկապես հարկավոր կլինեն քարածխի արդյունահանման շրջաններում, քաղաքներում և «երկրի այլ մասերում» ազգային փոքրամասնությունների բնակության վայրերում, «որոնց ընդհանրապես ուշադրություն չէին դարձնում»:
Հիլարի Քլինթոնը համարվում է 2016 թվականին ԱՄՆ-ի նախագահի պաշտոնի հանգուցային հավակնորդներից մեկը: Նրա ամուսինը՝ Բիլ Քլինթոնը, ԱՄՆ-ի նախագահի պաշտոնն զբաղեցրել է 1992-ից մինչեւ 2000 թվականը, հաղորդել Է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
