Ռուս զինծառայողները Հայաստանի լեռներում փորձարկում են ռադիոէլեկտրոնային պայքարի արդի միջոցները

Հայաստանի ռուսական ռազմակայանում «Ինֆաունա» արդի համալիրի ուսումնասիրման պարապմունքներ են սկսվել ռադիոէլեկտրոնային պայքարի ստորաբաժանում նոր ժամանած զինծառայողների հետ:

Ինչպես տեղեկացնում են են ՌԴ Հարավային ռազմական օկրուգի մամուլի ծառայությունից, պարապմունքներն անցկացվում են «Կամխուտ» բարձրլեռնային զորավարժարանում՝ միավորման ռադիոէլեկտրոնային պայքարի ծառայության պետ փոխգնդապետ Իգոր Պոպովի ղեկավարությամբ: Պարապմունքների ընթացքում զինծառայողները կուսումնասիրեն «Ինֆաունա» ռադիոէլեկտրոնային պայքարի արդի համալիրների մարտավարական-տեխնիկական, հատուկ և ընթացային բնութագրերը:

«Ինֆաունա» համալիրների գործարկուները պարապմունքների ժամանակ «Նավոդչիկ» և «Օռլան» անօդաչու թռչող ապարատների համալիրների կիրառմամբ կսովորեն իրականացնել անօդաչուների որոնում և կալանում: