Խովանի գերեզմանոցում ծեծկռտուքի գործով ինը ֆիգուրանտ է կալանավորվել Մոսկվայում

Մոսկվայի Պրեսնենյան դատարանը մայիսի 16-ին Խովանի գերեզմանոցում զանգվածային ծեծռկռուքի գործով ինը մարդու է կալանավորել, հայտնում է հայտնում է Lenta-ն:

Մինչև հուլիսի 14-ը կալանավորվածներից է նաև Մոկսվայի Խամովնիկի շրջանի ՆԳՆ պարեկային ծառայության նախկին աշխատակից Նիկիտա Մոշենկոն: Բացի նրանից կալանավորվել է նաև մինչ այդ դատվածություն ունեցող իրավաբան Ալեքսանդր Բոչարնիկովը:

Ընդ որում դատարանը հրաժարվել է կալանավորել Յուրի Չաբուևին, որն արդեն հեռացել է Խովանի գերեզմանոցը սպասարկող «Ռիտուալ» ծիսակարգաային սպասարկման տարածքային բաժանմունքի ղեկավարի պաշտոնից: Նա հայտնել է, որ փորձել է ոստիկանություն կանչել ու կանխել կոնֆլիկտը: Չաբուևը Ռուսաստանի քննչական կոմիտեին առընթեր հանրային խորհրդի անդամ է:

Ըստ իրենց դերակատարման՝ գործի ֆիգուրանտներին կասկածում են երկու ու ավելի անձանք սպանության, խուլիգանության ու զենքի ապօրինի պահման ու տեղափոխության մեջ:

ՌԴ ՔԿ ներկայացուցիչը հայտնել է, որ որպես հանցագործության հիմնական դրդապատճառ է դիտարկվում ֆինանսական վարկածը:

Մայիսի 14-ին Խովանի գերեզմանոցում կատարված ծեծկռտուքին մասնակցել է 200 մարդ, որոնք զինված էին բահերով, արմատուրայի կտորներով նաև հրազենով:

Ծեծկռտուքի հետևանքով զոհվել է Տաջիկստանի երեք քաղաքացի: Եվս չորս մարդ հիվանդանոցի վերակենդանացման բաժանմունքում է: Ընդամենը տուժել է 26 մարդ: