Այս ընտրությունների արդյունքները կանախատեսելի էին. Խոսրով Հարությունյան

ՀՔԴՄ կուսակցության նախագահ Խոսրով Հարությունյանն այսօր լրագորղների հետ հանդիպման ժամանակ, խոսելով ընտրությունների անցկացման և հետընտրական շրջանի մասին, նախ շնորհավորեց բոլորին ընտրական գործընթացում քաղաքական կառուցվածքների առաջընթացի հետ կապված: «

Առանց չափազանցնելու պետք է նշել, որ մենք միասին արձանագրում ենք ամենալավ դրսևորումը: Այս ընտրություններն աչքի ընկան աննախադեպ ակտիվությամբ և սա մեր ժողովրդի ձեռքբերումն է: Բարձր ակտիվությամբ ապահովվեց ընտրություների օրենքները չխախտելը», - նշեց Խոսրով Հարությունը՝ հավելելով, որ այս ընտրություններում սև փիառը դոմինանտ չէր:

«Այս ընտրություններում, որպես արդյունք, հետընտրական այն միջավայրն է, որը մենք տեսնում ենք և այս հաջողությունը պետք է վերագրենք քաղաքական բոլոր խաղացողներին: Սա նախևառաջ պետք է վերագրվի իշխանության կատարած աշխատանքին», - նշեց Հարությունյանը: Վերջինիս խոսքերով՝ հանրության մոտ ընտրության արդյուքները վիճահարույց չեն և, որ այս ընտրությունների արդյունքները կանախատեսելի էին: