Սիրիայի Ռաքա քաղաքից հարյուրավոր ընտանիքներ են փախչում հարևան նահանգներ

Հարյուրավոր ընտանիքներ են հեռանում Սիրիայի Ռաքա քաղաքից, որի վրա հարձակում են սկսել «Դեմոկրատական Սիրիայի ուժեր» (ԴՍՈՒ) ընդդիմադիր խմբավորման ջոկատները: Այս մասին, ինչպես տեղեկացնում է «Արմենպրես»-ը, հայտնել է Sky News Arabia ալիքը:

Հեռուստաալիքի տեղեկատվությամբ՝ «հարյուրավոր ընտանիքներ են փախչում Ռաքայից և դրա շրջակայքից»՝ փրկվելով ԴՍՈՒ-ի կազմավորումների և «Իսլամական պետություն» (ԻՊ) ահաբեկչական խմբավորման, որը լիովին վերահսկում է քաղաքը, զինյալների միջև անխուսափելի ընդհարումներից: Նշվում է, որ Ռաքայից փախստականներն շտապում են հարևան նահանգներ՝ «հիմնականում Հալեպի նահանգի հյուսիս և Դեր Զոր»:

Մայիսի 24-ին սիրիական ընդդիմության ռազմականացված ջոկատները, որոնք միավորված են ՍԴՈՒ-ի խմբավորման մեջ, սկսել են հարձակումը Ռաքայի վրա, որը համարվում է «Իսլամական պետության» ամրոցը: Գործողությունը՝ ՍԴՈՒ-ի ներկայացուցիչների պնդումների համաձայն՝ իրականացվում է միջազգային կոալիցիայի (ԱՄՆ-ի գլխավորությամբ) և Ռաքայի նահանգի ժողովրդական միլիցիայի ջոկատների հետ համաձայնեցված»:

«Դեմոկրատական Սիրիայի ուժեր» ընդդիմադիր խմբավորման հիմնամասը կազմում են քրդական ջոկատները: ԴՍՈՒ-ի կազմի մեջ են մտնում նաև ընդդիմադիրների մի քանի բրիգադներ, դրանցից խոշորագույններն են «Սուվար Սուրիան» և «Բուրքան Ֆուրաթը», ինչպես նաև ասորիների ջոկատները, հաղորդել է ՏԱՍՍ-ը: