Խոսրով Հարությունյանն առայժմ չի պատասխանում Հրանտ Բագրատյանին (տեսանյութ)

«Մի շտապեք, կպատասխանեմ: Ես ասել եմ՝ ամսի 7-ից հետո, բայց ոչ թե ամսի 8-ին, կպատասխանեմ, մի անհանգաստացեք», - այս մասին ասաց ՀՔԴՄ կուսակցության նախագահ Խոսրով Հարությունյան, պատասխանելով Լուրեր.com-ի այն հարցին, թե երբ է պատրաստվում ինքը պատասխանել նախկին վարչապետ, ՀԱԿ անդամ Հրանտ Բագրատյանին: Խոսրով Հարությունյանի խոսքերով՝ դա պայմանավորված է քաղաքական նպատակահարությամբ:

Հիշեցնենք, որ Խոսրով Հարությունյանը որոշ ժամանակ առաջ, լրագրողների հետ հանդիպմանը, անդրադառնալով Հրանտ Բագրատյանի նամակներին և Բագրատյանի այն խոսքերին, որ որ հենց Խոսրով Հարությունյանի վարչապետության շրջանում է եղել այդ «մութ ու ցուրտ» տարիները, Խոսրով Հարությունյանը նախ Հրանտ Բագրատյանի նամակները որակել էր իբրև քաղաքական հնարք՝ ուշադրության կենտրոնում հայտնվելու համար, այնուհետև նշել էր, որ ինքը Հրանտ Բագրատյանին շատ մանրամասն կպատասխանեմ մայիսի 7-ից հետո։