Չավուշօղլուն սպառնում է կասեցնել ԵՄ-ի հետ միգրացիոն համաձայնագիրը

Թուրքիան կկասեցնի Եվրոպական միության հետ միգրացիոն համաձայնագիրը, եթե Թուրքիայի հետ առանց վիզայի ռեժիմն իրականություն չդառնա: Ինչպես հաղորդում է «Արմենպրես»-ը' վկայակոչելով Reuters-ը, այդ մասին TRT Haber-ին տված հարցազրույցում հայտարարել է Թուրքիայի արտաքին գործերի նախարար Մևլութ Չավուշօղլուն:

Հեռուստատեսության ուղիղ եթերում անդրադառնալով Գերմանիայի կողմից Հայոց ցեղասպանության ճանաչման բանաձևի ընդունմանը' Չավուշօղլուն նշել է, որ «Գերմանիայի կառավարությունը պետք է հստակ հայտնի իր դիրքորոշումը այդ հարցի շուրջ' ոչ Բունդեսթագի բանաձևին համահունչ»: