Վարդենիս քաղաքում ավտոտնակում տեղի ունեցած պայթյունը 1 մարդկային կյանք է խլել

Գեղարքունիքի մարզի Վարդենիս քաղաքում հունիսի 22-ի ժամը 15:00-ի սահմաններում պայթյուն է որոտացել Արզոյան փողոցի սեփական տանը կից ավտոտնակում, ինչի հետեւանքով մահացել է նույն տան բնակիչ, 32-ամյա Գրիշա Աշոտի Շաբոյանը: Նախաքննությունն առայժմ չի պարզել պայթյունի ստույգ պատճառը, ինչի հետեւանքով փլվել է նաեւ ավտոտնակի կտուրը: Վարդենիսի քաղաքապետ Վոլոդյա Խլոյանի տեղեկացմամբ՝ Գրիշա Շաբոյանն ամուսնացած էր, մեկ երեխայի հայր էր:»Առայժմ չենք կարողանում հասկանալ, թե ինչից է առաջացել պայթյունը, միայն պարզ է, որ պայթյունից առաջ ավտոտնակում ինչ-որ շինարարական բնույթի աշխատանքներ են կատարվել: Նախաքննական մարմինն առայժմ աշխատում է տեղում, ամեն ինչ կպարզվի: Ափսոս, շատ ցավալի էր երիտասարդ մարդու կորուստը, ով համեստ, աշխատասեր մարդ էր»-նշեց քաղ աքապետը: