Չեմ տեսնում որևէ հեռանկար, որը կարող է ճանապարհ հարթել Թուրքիայի համար ԵՄ-ին միանալու հարցում. ՀՀ Նախագահ
ԱՐԽԻՎ
Հայաստանն ակնկալում է, որ ավելի շատ երկրներ որպես ցեղասպանություն ճանաչեն Օսմանյան կայսրությունում 1915 թվականի հայերի կոտորածները՝ Հռոմի Պապի նկատառումներից, ինչպես նաև Գերմանիայի Բունդեսթագի դիրքորոշումից հետո: Այս մասին ասել է ՀՀ նախագահ Սերժ Սարգսյանը «Reuters»-ին տված հարցազրույցում:
«Հռոմի Պապի սկզբունքային դիրքորոշումը և Բունդեսթագում արտահայտած տեսակետները ճանապարհ կհարթեն այլ ազգերի կողմից Հայոց ցեղասպանության ճանաչման համար: Գերմանիան շատ կարևոր, նշանակալի դերակատարություն ունի միջազգային հարթակում, և այս որոշումը կծառայի որպես լավ օրինալ այլ ազգերի համար' նրան հետևելու և նրանից սովորելու գործում»,-ասել է Նախագահ Սերժ Սարգսյանը:
Նախագահը քննադատել է ԵՄ-ին միանալու ձգտումների շուրջ Թուրքիայի դիրքորոշումը' ասելով, որ Անկարան այդպես փորձում է օգտագործել բռնապետական քաղաքականությունը Միության վրա ճնշում գործադրելու համար:
«Ես չեմ կարծում, որ Թուրքիան այն դերակատարն է, որը կարող է հարկադրել իր տեսակետները կամ փորձել ճնշում գործադրել Եվրամիության վրա: Ես անկեղծորեն չեմ տեսնում որևէ հեռանկար, որը կարող է ճանապարհ հարթել Թուրքիայի համար Եվրամիությանը միանալու հարցում»,-ասել է նախագահը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
