Կառավարությունը ֆինանսական միջոցներ հատկացրեց Արթիկում հեղեղումների վնասները վերացնելու համար

Նախորդ շաբաթ Շիրակի մարզի Արթիկ քաղաքում տեղի ունեցած հեղեղումների հետևանքով բնակչությանն աջակցելու նպատակով ՀՀ կառավարությունը Շիրակի մարզպետարանին հատկացրեց 22 մլն 350 հազար դրամ, ևս 2 մլն 430 հազար դրամ կուղղվի Արթիկում հեղեղումների հետևանքով անկած գյուղատնտեսական կենդանիների և մշակաբույսերի ցանքատարածություններին պատճառված վնասի դիմաց աջակցություն ցուցաբերելու համար: Հեղեղատարների մաքրման նպատակոÕ ¾ էլ կտրամարդվի 16 մլն 965 հազ. ֆրամ:

Տարածքային կառավարման և զարգացման նախարար Դավիթ Լոքյանը տեղեկացրեց, որ այսօր արդեն Արթիկում բնականոն գործունեությունը հիմնականում վերականգնվել է: «Բացված հեղեղատարը վերականգնվել է: Ջրամատակարարումը քաղաքում ևս վերականգնված է, բացի մի փոքր հատվածից, բայց այդ հատվածում քաղաքապետարանը հատուկ ռետինե խողովակներով ջուր է մատուցում: 8-10 ընտանիք չունեն էլեկտրականություն: Գործընթացը շարունակվում է: Նախարարության ներկայացուցիչները տեղում են: Փոխնախարարը լինելու է այնտեղ' մինչև աշխատանքները ավարտվեն»,- «Արմենպրես»-ի հաղորդմամբ՝ ասաց Լոքյանը:

Վարչապետ Հովիկ Աբրահամյանը նշեց, որ մեծ աշխատանք է կատարվում, սակայն այն չի ներկայացվում, ինչն էլ շահարկումների առիթ է հանդիսացել: «Պարոն վարչապետ, դեպքի առաջին օրը ես եմ այնտեղ եղել, հաջորդ օրը' Դուք: Աշխատանքներն ամեն օր կատարվել են»,- ասաց Լոքյանը:

Վարչապետը հորդորեց ներկայացնել, թե ինչ աշխատանք է կատարվել, քանի որ դա կապահովի գործընթացի թափանցիկություն: