Christie's-ը վաճառքի է հանում Ռոնալդ և Նենսի Ռեյգանների իրերի հավաքածուն
ԱՐԽԻՎ
Christie's աճուրդների տունը հուլիսի 1-ին Լոնդոնում ներկայացրել Է ԱՄՆ-ի 40-րդ նախագահ Ռոնալդ Ռեյգանի եւ նրա տիկնոջ՝ Նենսիի անձնական իրերի հավաքածուն, որը սեպտեմբերի 21-ին եւ 22-ին վաճառքի կհանվի Նյու Յորքում, տեղեկացնում է BBC-ն:
Լոտերի թվում կան ոսկերչական զարդեր, արվեստի ստեղծագործություններ, գրքեր, ինչպես նաեւ կահույքի առարկաներ ինչպես Լոս Անջելեսի նրանց տնից, այնպես էլ Սպիտակ տնից, որոնք մնացել են Ռոնալդ Ռեյգանի նախագահության ժամանակներից:
Christie's-ի հաղորդագրության համաձայն՝ հավաքածուում կան հազար դոլարից մինչեւ 50 հազար դոլար արժողությամբ լոտեր, իսկ ընդամենը դրա վաճառքից պլանավորվում է ստանալ ավելի քան 2 մլն դոլար, որը կուղղորդվի Նախագահական հիմնադրամի եւ Ռոնալդ Ռեյգանի ինստիտուտի նախագծերի ֆինանսավորմանը:
Հիշեցնենք, որ Ռոնալդ Ռեյգանն ԱՄՆ-ի նախագահն Է եղել 1981-ից մինչեւ 1989 թվականը: Նա մահացել Է 2004 թվականին: Նենսի Ռեյգանը ամուսնուց հետո ապրել Է 12 տարի եւ վախճանվել 2016 թվականի մարտի 6-ին:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
