«Ռեգնում»-ի խմբագրին ծեծելու միջադեպի վերբերյալ նյութերը ուղարկվել են հատուկ քննչական ծառայություն

Կենցաղային հողի վրա առաջացած միջադեպի վերբերյալ նյութերը Գլխավոր դատախազի հանձնարարությամբ ոստիկանությունից այսօր ուղարկվել են հատուկ քննչական ծառայություն, - այս մասին Լուրեր.com-ի հետ զրույցում ասաց Գլխավոր դատախազության մամլո խոսնակ Սոնա Տռուզյանն՝ անդրադառնալով մայիսի 12-ին Ռեգնում տեղեկատվական գործակալության երևանյան գրասենյակի խմբագիր Ռուբեն Գրձելյանին ծեծելու միջադեպին:

Տռուզյանի խոսքերով, հանձնարարվել է հնարավորինս սեղմ ժամկետում միջոցներ ձեռնարկել դեպքի բոլոր հանգամանքները պարզելու ուղղությամբ՝ ապահովելով քննության բազմակողմանիությունն ու լրիվությունը, ինչպես նաև ցուցում է տրվել հստակ միջադեպի մասնակից յուրաքանչյուր անձի գործողություններին տալ համարժեք քրեաիրավական գնահատական:

Հիշեցնենք, որ Ռեգնում լրատվական գործակալության երեւանյան գրասենյակի խմբագիր Ռուբեն Գրդզելյանը Երեւանում մայիսի 12-ին ժամը 23:00-ի սահմաններում ծեծի է ենթարկվել մի խումբ անձանց կողմից:

Ինչպես հետագայում է պարզվել, ծեծողների թվում եղել է Կոտայքի մարզի քննության օրինականության վերահսկողության տեսչության դատախազ Մովսես Մանրիկյանը: Միջադեպը տեղի է ունեցել Երեւանում՝ տուժողի մոր, երկու երեխաների, զարմիկի և հղի կնոջ ներկայաթյամբ: