Թրամփի հակառակորդները չկարողացան փոխել հանրապետականների համագումարի անցկացման կանոնները
ԱՐԽԻՎ
Միացյալ Նահանգների Քլիվլենդ քաղաքում (Լուիզիանայի նահանգ) տեղի ունեցող՝ ԱՄՆ-ի Հանրապետական կուսակցության համագումարը, հակառակ ներկուսակցական ընդդիմախոսների, ձայների մեծամասնությամբ հաստատել է այն ծրագիրը, որով 2016 թվականի նոյեմբերի 8-ին կգնա նախագահական ընտրությունների, հաղորդել են զանգվածային լրատվամիջոցները:
Համագումարն, ինչպես սպասվում է, հուլիսի 21-ին փրայմերիզը հաղթած միլիարդատեր Դոնալդ Թրամփին կհաստատի հանրապետականների կողմից նախագահության թեկնածու:
Թրամփի հակառակորդները համագումարում հանդես են եկել ծրագրի փոփոխության օգտին, որպեսզի համագումարի այն պատվիրակները, որոնք ընտրվել են փրայմերիզում, պարտավոր չլինեն քվեարկելու միլիարդատիրոջ օգտին, թեեւ նա կանխավ իր համար ապահովել է ավելի քան 1,5 հազար պատվիրակների պաշտպանությունը՝ 1 237 քվե անհրաժեշտ նվազագույնի դեպքում: Դա նշանակում է, որ միլիարդատերը պետք է նախագահության թեկնածու դառնա ավտոմատ կերպով:
Թրամփի ընդդիմախոսները հույս ունեին, որ ծրագրում մտցվելիք փոփոխությունները համագումարին թույլ կտա կուսակցությունից թեկնածու առաջադրել Թեդ Քրուզին, որն ունի իր կողմնակիցների 559 քվե, հաղորդել է «Ինտերֆաքսը»:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
