Էրդողանը փակել է Թուրքիայում Գյուլենի բոլոր ԶԼՄ-ները

Թուրքիայի ռադիոհեռուստատեսության բարձրագույն խորհուրդը (RTUK) դադարեցրել է 24 ԶԼՄ-ների թույլտվությունների գործողությունը, որոնք կապված են արդի իսլամի թուրք քարոզիչ Ֆաթուլլահ Գյուլենի «Հիզմեթ» շարժման (նուրսիստների) հետ, որին Անկարան մեղադրում է երկրում պետական հեղաշրջման փորձ կազմակերպելու մեջ:

Այս մասին, ինչպես հաղորդում է «Արմենպրես»-ը' վկայակոչելով «Անատոլու» լրատվական գործակալությունը, ասվում է այդ առնչությամբ RTUK-ի տարածած հայտարարության մեջ:

«RTUK-ի արտակարգ նիստում միաձայն որոշում է ընդունվել Գյուլենի հետ կապեր ունենալու փաստը հաստատված բոլոր հեռուստառադիոընկերությունների հեռարձակման լիցենզիաները եւ իրավունքները վերացնելու մասին», -ասվում է հայտարարության մեջ:

RTUK-ը բերել է բոլոր այն ռադիոհեռուստաընկերությունների ցանկը, որոնց գործողության լիցենզիաները վերացվել են: Դրանք են' STV, Samanyolu Haber, Samanyolu Haber Radyo, Can Erzincan TV, Kanal 124, Yumurcak TV, Hira TV, MC TV, DՖnya TV, Kanal TՖrk, BugՖn TV, Mehtap TV, Berfin FM, Kanal TՖrk Radyo, Burջ FM, Samanyolu Haber Radyosu, Radyo Mehtap, Haber Radyo Ege, DՖnya Radyo, Radyo KՖre, MerkՖr TV, Esra Radyo, Tuna Shoping TV, Samanyolu Haber Radyo Anadolu:

Ադրբեջանում իշխանությունները հեռարձակման իրավունքից զրկել են ANS հեռուստաալիքին, որի թղթակիցը ԱՄՆ-ում մասնակցել է միջազգային ԶԼՄ-ների հետ միասին Ֆաթուլլահ Գյուլենի հետ կազմակերպված ասուլիսին եւ ANS-ով հեռարձակելու համար տեսանյութ պատրաստել այդ հարցազրույցից: Ադրբեջանում իշխանությունները արգելել են այդ տեսանյութի հեռարձակումը եւս' դրանով արտահայտելով իրենց նվիրվածությունը Անկարայի ռեժիմին: