Երևանի չգործող կազմակերպության տարածքում հրդեհ է բռնկվել

ՀՀ արտակարգ իրավիճակների նախարարությունը հուլիսի 22-ին, ժամը 15.16-ին ահազանգ է ստացել, որ Երևանի Սարմի փողոցի թիվ 103 հասցեում գտնվող չշահագործվող շինության տանիքից ծուխ է նկատվում և այրվում է խոտածածկ տարածք:

Դեպքի վայր է մեկնել մեկ մարտական հաշվարկ:

Պարզվել է, որ հրդեհը բռնկվել է Այվազովսկու փողոցի թիվ 14 հասցեում գտնվող «Վալերիա Թրեյդ» չգործող կազմակերպության տարածքում:

Հրդեհը մեկուսացվել է ժամը 15.44-ին, մարվել՝ 16.03-ին:

Այրվել է խոտածածկույթ և աղբ (մոտ 300 քմ) և չշահագործվող շինության տանիքի փայտյա կառուցատարրերը (մոտ 10 քմ):