Հանրահավաքն ավարտվեց Ազատության հրապարակում (ուղիղ միացում)

22:00

Երևանի Ազատության հրապարակում ավարտվեց ի պաշտպանություն «Սասնա ծռեր» խմբի ամենօրյա հավաքը: Հավաքն ավարտվեց առանց երթ: Հավաքի մասնակիցները հայտարարեցին, որ վաղը ժամը 19:00-ին կրկին կհավաքվեն Ազատության հրապարակում, իսկ մյուս օրն արդեն միայն երթ են անցկացնելու:

21:36

Այս պահին Ազատության հրապարակում շարունակվում է ի աջակցություն «Սասնա ծռեր» խմբի անդամների և քաղբանտարկյալների կազմակերպված հանրահավաքը:

Նշենք, որ արդեն մի քանի օր հանրահավաքն անցկացվում է ինքնաբուխ:

20:30

Հիշեցնենք, որ Հուլիսի 17-ի առավոտյան մի խումբ զինված անձինք մուտք են գործել ՀՀ ոստիկանության պարեկապահակային ծառայության գնդի տարածք և բռնության սպառնալիքով պահել այնտեղ գտնվող անձանց՝ պահանջելով ազատ արձակել մոտ մեկ ամիս առաջ մի խումբ անձանց կողմից ապօրինի կերպով զենք և ռազմամթերք ձեռք բերելը, փոխադրելը և պահելը կազմակերպելու մեղադրանքով կալանավորված Ժիրայր Սեֆիլյանին: ՀՀ ոստիկանության պարեկապահակային ծառայության գնդի վրա հարձակման հետևանքով զոհվել է Ոստիկանության գնդապետ Արթուր Վանոյանը: Հարձակման ընթացքում հրազենային վնասվածքներ են ստացել ՀՀ Ոստիկանության գնդապետ Արամ Հովհաննիսյանը, Ոստիկանության փոխգնդապետ Հրաչ Խոստեղյանը, Ոստիկանության ենթասպա Գագիկ Մկրտչյանը:

Պատանդ վերցվածներն ազատ են արձակվել մեկ շաբաթվա ընթացքում, սակայն հուլիսի 27-ին նրանք կրկին պատանդ են վերցրել բուժօգնության հասած բուժաշխատողներին:

Հուլիսի 30-ին գնդի տարածքից դիպուկահարի կրակոցից զոհվել է ոստիկանության զորքերի ծառայող Յուրի Տեփանոսյանը:

Հուլիսի 31-ին զինված խմբի անդամները վայր են դրել զենքն ու հանձնվել:

Ուղիղ եթերը՝ 1in.am–ի և Ազատություն ռ/կ–ի