Դա հաքերային խաբերություն է. Սամվել Մարտիրոսյան (լուսանկար)

Տեղեկատվական տեխնոլոգիաների անվտանգության փորձագետ Սամվել Մարտիրոսյանը ֆեյսբուքյան իր էջում գրում է.

Քազի վասնզնի արդեն մի հիսուն նամակ եմ ստացել մարդկանցից, որոնք պոռնոգրաֆիկ կայք այցելելու պատճառով վախենում են ոստիկանությունից, քանի որ ծանուցում են ստացել, որ կպատժվեն, եթե գումար չմուծեն հատուկ հաշվեհամարին, մի անգամ էլ կրկնեմ․

ԴԱ ՀԱՔԵՐԱՅԻՆ ԽԱԲԵՈՒԹՅՈՒՆ Է։ ԱՄԵՆԱՅՆ ՀԱՎԱՆԱԿԱՆՈՒԹՅԱՄԲ ԿԱՄ ՁԵՐ ԿՈՄՊՈՒՄ ՎԻՐՈՒՍ ԿԱ, ԿԱՄ ԼՈՄԵԼ ԵՆ ՁԵՐ ՌՈՈՒՏԵՐԸ ԿԱՄ ԴՈՒՔ ՎԱՐԱԿՎԱԾ ԿԱՅՔ ԵՔ ԸՆԿԵԼ։

Անդուր բաներ են, բայց ոչ մուծվելու կամ քրեորեն պատժվելու համար։ Ինչու՞։ Եթե հավես ունեք, կարդում եք շարունակությունը․

ա․ Ոստիկանները կարող են գումար ուզել՝ մարդուն օրենքով չհետապնդելու համար։ Բայց դա կոչվում է կոռուպցիա եւ ինքն է հետապնդվում օրենքով եւ ոստիկանների կողմից։ Առնվազն, տենց պետք է լինի։ Ոստիկանությունը չի կարող պաշտոնապես գումար ուզել, որ ձեզ չդատեն։ Չեք զգում, որ անկապ ա մի ձեւ ։ՃՃ

բ․ Հայաստանում պոռնոգրաֆիա նայելը չի հետապնդվում օրենքով։ Միայն տարածելը (մի հարցրեք, թե ինչու, երբ սաղ ինտերնետը էդ ա, մենք ձեւեր ենք թափում)։ Եթե հանկարծ կամ (ծը֊ծը֊ծը) միտումնավոր մտել եք խուժանական կայք, բարի ժամանց, ձեզ դրա համար ոչ մեկ չի դատելու։ Քրեորեն պատժելի կարող է լինել միայն մանկական պոռնոգրաֆիայի հետ առնչությունը։ Իսկ տենց բաների հետ առնչվելը արդեն շատ վատ նշան ա եւ լրիվ ուրիշ պատություն ա։

գ․ Մեր ոստիկանները ձեր հետ չեն շփվում կայքերում ծանուցումների միջոցով։ Հիմնականում նրանք թակում են դուռը։ Մեկ֊մեկ էլ դուռը ջարդում են։ Բայց սենց ֆիքստուլ ձեւեեր չկան։ Դեռ հին ձեւերն են։